«Трафик» теенін интернеттегі тузаланыстарына килістіре кӧр килзе, сайтха кірчеткен кізілер санын таныхтапча.
Хакас тілінде трафикті «сайтха кірчеткен кізі» саны чіли чоохтаза, орта полар. Олох туста «сайтха кірчеткен кізі» таңмазы пілдірте дее полза, ол узун пазылча. Пӱӱнгі туста сӧстерні хызыра адирға кӱстенедірлер. Аннаңар, трафик сӧстің пӱткенін санға алза, ол «движение» теенге уғаа чағын.
Ӏди хакас тілінде «чол» таңмазына хайығ тартса, «чолдырма» тізе, сағынчам, килістіре полар: «чол» сӧске «дырма» хозымны хосса, чолдағы хайынысты, сайтха кірчеткен улус тибірезіне чағын чіли пілдіртіпче.
Кӧзідімге алза, «сайт чолдырмазының сині кӱнде 50 кізі» тіп пас салза, амды, сағынчам нимедеңер чоох парчатханы пілдістіг.
